“dahan-dahan, hinay hinay
ang mga paghiling gawing malumanay
upang ito’y di sumablay
at tuluyang mawalang saysay”
isang kumpas, bulong na matikas
naglalarong diwa
sa (mga) matang nakabukas
magmasid, mag-isip
damhin ng paunti-unti
ang matikas nga bang bulong
ang siya ring patibong?
magmasid, mag-isip
damhin ng paunti-unti
o baka ang siyang binubulong
ang takda sa guhit ng poon?
isa…
nariyan na siya
dalawa…
ako’y nangangapa
tatlo…
ako’y tulungan mo
sambitin ang hiling
–hiling na kinikimkim
at hayaang maganap
ang takda sa magkadugsong na palad
“dahan-dahan, hinay hinay
ang paghiling gawing malumanay
upang ito’y di sumablay
at tuluyang mawalang saysay”
Writer’s Note: ang naka-slant na mga linya ay gawa at pag-aari ni 25pesocupnoodles
p.s. mainam na pakinggan rin ang mensahe ng kanta sa video
p.s.s. minsan ay may dalang mensahe ang bawat kumpas at pilantik
p.s.s.s. masarap magsolve ng riddle, kung nasaan ay malay ko
thelovelybiatch 